برائے نقشِ منور شریک ہوتا ہے
سُخن میں سوچ کا جوہر شریک ہوتا ہے
نبیﷺ کا ذکر وہ ذکرِ عظیم ہے جس میں
مرا خدا بھی برابر شریک ہوتا ہے
خمار خانہِ دنیا فضول ہے، صاحب!
تو اس فریب میں کیوں کر شریک ہوتا ہے؟
اُسے خیال ہے یعنی تمام باتوں کا
خوشی غمی میں جو اکثر شریک ہوتا ہے
قضا کے ساتھ ہمیشہ مکالمے میں سعید
جو سر پھرا ہو وہ بہتر شریک ہوتا ہے
Related posts
-
آصف ثاقب ۔۔۔ ملیں گے لوگ کہاں سے وہ پوچھنے والے (خالد احمد کے نام)
ملیں گے لوگ کہاں سے وہ پوچھنے والے گزر گئے ہیں جہاں سے وہ پوچھنے والے... -
شبہ طراز ۔۔۔ تُوہے تو مِرے ہونے کا امکان بھی ہو گا
تُوہے تو مِرے ہونے کا امکان بھی ہو گا اور مرحلۂ شوق یہ آسان بھی ہو... -
سعداللہ شاہ ۔۔۔ کوئی دعا سلام تو رکھتے بڑوں کے ساتھ
کوئی دعا سلام تو رکھتے بڑوں کے ساتھ تم نے تو بدمزاجی میں ہر بازی ہار...